Дадому
Сектар малекулярнага мадэлявання і біяінфарматыкі

Сектар малекулярнага мадэлявання і біяінфарматыкі

Сектар малекулярнага мадэлявання і біяінфарматыкі з’яўляецца структурным падраздзяленнем ДНУ “Інстытут біяфізікі і клетачнай інжынерыі НАН Беларусі" і створаны ў адпаведнасці з загадам ад 30.01.2024 № 26.

У сектары працуе 3 супрацоўнікі, з іх:

– загадчык сектара;
– старшы навуковы супрацоўнік – 1;
– малодшы навуковы супрацоўнік – 1 (аспірант).

Вучоную ступень маюць 2 чалавекі: 1 доктар і 1 кандыдат навук.

Загадчык сектара

Верасаў Валерый Гаўрылавіч

доктар біялагічных навук, дацэнт

У 1980 г. абараніў кандыдацкую дысертацыю «Транспарт іёнаў у «тоўстых» біялагічных мембранах» на суісканне вучонай ступені кандыдата фізіка-матэматычных навук па спецыяльнасці 03.00.02 «Біяфізіка», а ў 2004 годзе - доктарскую дысертацыю «Структура і механізмы функцыяў іённых каналаў біялагічных мембран. Даследаванне сродкамі малекулярнай механікі» па той жа спецыяльнасці. Апублікаваў больш за 180 навуковых прац, уключаючы 2 манаграфіі (адна выдадзена ў ЗША), 1 раздзел у манаграфіі, выдадзенай у ЗША, 17 артыкулаў у замежных навуковых часопісах, 87 артыкулаў у выданнях з пераліку ВАК. Ім упершыню ў свеце ажыццёўлено мадэляванне рэцэптараў VDAC2, MTCH2, TOM на вонкавай мембране мітахондрый і ўстаноўлена іх цэнтральная роля ў ажыццяўленні апаптоза, а таксама распрацавана тэорыя праапаптатычнага зрушэння бялкамі BH3-only бялкоў-эффектараў апаптоза з мітахандрыяльных рэцэптараў апаптоза, якая прыводзіць да пермеабілізацыі вонкавай мембраны мітахондрый і апаптоза. В. Г. Верасаў разам са сваімі вучнямі распрацаваў лінейку проціпухлінных лекавых прэпаратаў - інгібітараў антіыапаптатычных бялкоў сямейства Bcl-2, а таксама лінейку проціпухлінных лекавых прэпаратаў - інгібітараў ўзаемадзеяння PD-1 / PD-L1.

e-mail: veresov@ibp.org.by

Асноўнымі задачамі дзейнасці Сектара малекулярнага мадэлявання і біяінфарматыкі з’яўляюцца:

– Правядзенне фундаментальных і прыкладных даследаванняў у галіне імуналогіі, вірусалогіі, біяфізікі, біяінфарматыкі, малекулярнага мадэлявання і сумежных дысцыплін.
– Малекулярнае мадэляванне. Вывучэнне механізму дзеяння розных хімічных структур (малых малекул і сінтэтычных алігамераў), якія выявілі супрацьвірусную актыўнасць, кампутарны дызайн іх мадыфікацый з мэтай узмацнення апошняй. Пошук новых структур, якія валодаюць супрацьвіруснай актыўнасцю, як сярод малых малекул, так і сярод прыродных і сінтэтычных алігамераў. Мадэляванне метабалічных шляхоў, звязаных з фарміраваннем розных вірусаў у клетцы.
– Малекулярнае мадэляванне ўзаемадзеянняў імунных малекул, структурнае мадэляванне імуналагічнага сінапсу і механізмаў функцыянавання імунных кантрольных кропак
– Біяінфарматыка і кампутарнае канструяванне лекавых сродкаў, якія валодаюць супрацьпухліннай і супрацьвіруснай актыўнасцю.