У Інстытуце біяфізікі і клетачнай інжынерыі НАН Беларусі з 2004 года вядуцца сістэмныя даследаванні ствалавых клетак. Асноўныя напрамкі даследаванняў: міжклетачныя ўзаемадзеяння пры праліферацыі і дыферэнцыроўкі мезенхімальных ствалавых клетак, механізмы дыферэнцыроўкі ствалавых клетак у вызначаныя тыпы клетак ва ўмовах культуры in vitro, распрацоўка біямедыцынскіх клетачных прадуктаў на аснове ствалавых клетак, крыязахоўванне (крыякансерваванне) клетак і біяматэрыяла.

На падставе назапашанага вопыту і сусветных тэндэнцый у развіцці клетачных тэхналогій у Інстытуце ў 2010 г. створана вытворчая база для атрымання стандартызаваных клетачных трансплантаў з высокімі функцыянальнымі характарыстыкамі і гэта  вызначыла іх паспяховае прымяненне ў медыцынскай практыцы. Арганізавана вытворчасць біямедыцынскіх клетачных прадуктаў, якая адпавядае міжнародным стандартам GMP.

З мэтай распрацоўкі і ўкаранення ў клінічную практыку біямедыцынскіх клетачных прадуктаў для патрэб  рэгенератыўнай медыцыны пры Інстытуце ў 2014 г. створаны Рэспубліканскі навукова-медыцынскі цэнтр «Клетачныя тэхналогіі» (пастанова Бюро Прэзідыума НАН Беларусі ад 25 лістапада 2014 г. № 432).

У РНМЦ «Клетачныя тэхналогіі» уваходзіць сертыфіцыраваная вытворчасць біямедыцынскіх клетачных прадуктаў, банк ствалавых клетак і паліклінічнае Аддзяленне клетачнай тэрапіі. У 2019 годзе спектр прадстаўляемых  паслуг цэнтра  значна пашырыўся за кошт уключэння метадаў клетачнай імунатэрапіі анкалагічных захворванняў (рак падстраўнікавай залозы, рак мачавога пузыра, рак малочнай залозы) з выкарыстаннем біямедыцынскага клетачнаго прадукту (БМКП) на аснове аутологічных манацытарных дендрытных клетак, прайміраваных лізатам пухліны і/або сінтэтычнымі пептыдамі, для лячэння і медыцынскай прафілактыкі рэцыдываў у пацыентаў з анкалагічнымі захворваннямі.

Асноўная задача Аддзялення клетачнай тэрапіі – практычная рэалізацыя інавацыйных метадаў лячэння з выкарыстаннем ствалавых клетак і іншых біямедыцынскіх клетачных прадуктаў.

У аддзяленні ёсць аперацыйны блок, працэдурны кабінет, кабінет функцыянальнай дыягностыкі, палата дзённага знаходжання. У аддзяленні працуюць высокакваліфікаваныя лекары і медыцынскі персанал. Сучаснае абсталяванне ў адпаведнасці са стандартам GMP і высокі ўзровень якасці медыцынскай дапамогі дазваляюць эфектыўна прымяняць унікальныя клетачныя тэхналогіі для лячэння анкалагічных захворванняў, паталогіі апорна-рухальнага апарата, хранічных ран, захворванняў перыадонта.

Інстытут біяфізікі і клетачнай інжынерыі НАН Беларусі мае ліцэнзію (№ 02040 / 7842) на аказанне медыцынскіх паслуг па анкалогіі, хірургіі, ультрагукавой дыягностыцы, стаматалогіі тэрапеўтычнай і іммуналагічнай лабараторнай дыягностыцы.

Аддзяленне клетачнай тэрапіі прапануе наступныя паслугі:

• – Імунатерапія анкалагічных захворванняў.
• – Клетачная тэрапія: остеартрозу, хранічных ран.
• – Медыцынскія паслугі: амбулаторная хірургія, флебалогія, анкалогія.